លោកឧត្តមសេនីយ៍ត្រី ចិន នី ស្នងការ នៃ ស្នងការដ្ឋាននគរបាលខេត្តត្បូងឃ្មុំ បានអញ្ចើញដឹកនាំមន្ត្រីនគរបាលក្រោមឱវាទ ចូលរួម ពិធីប្រកាស ឯកឧត្តម ប៉ែន កុសល្យ ចូលកាន់តំណែង ជាអភិបាល នៃគណអភិបាលខេត្តត្បូងឃ្មុំ

ខេត្តត្បូងឃ្មុំ៖ រសៀលថ្ងៃទី១១ ខែកក្កដា ឆ្នាំ២០២៤លោកឧត្តមសេនីយ៍ត្រី ចិន នី ស្នងការ នៃ ស្នងការដ្ឋាននគរបាលខេត្តត្បូងឃ្មុំ បានអញ្ចើញដឹកនាំមន្ត្រីនគរបាលក្រោមឱវាទ ចូលរួម ពិធីប្រកាស ឯកឧត្តម ប៉ែន កុសល្យ ចូលកាន់តំណែង ជាអភិបាល នៃគណអភិបាលខេត្តត្បូងឃ្មុំ ធ្វើឡើងនៅសាលប្រជុំធំសាលាខេត្តត្បូងឃ្មុំ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។

ទន្ទឹមនោះ ថ្នាក់ដឹកនាំរដ្ឋបាលខេត្ត មន្ត្រីរាជការ និងប្រជាពលរដ្ឋ នៅទូទាំងខេត្តត្បូងឃ្មុំ សូមគោរពចូលរួមសម្តែងការអបអរសាទរ និងជូនពរ ក្នុងឱកាសដែល ឯឧត្តម ប៉ែន កុសល្យ អតីតអភិបាលខេត្តឧត្តរមានជ័យ ត្រូវបានផ្ទេរភារកិច្ច ដើម្បីបន្តបេសកកម្មការងារ ជាអភិបាល នៃគណៈអភិបាលខេត្តត្បូងឃ្មុំ។

សូមជម្រាបថា តាមរយៈព្រះរាជក្រឹត្យព្រះមហាក្សត្រ បានត្រាស់បង្គាប់តែងតាំង ឯកឧត្តម ប៉ែន កុសល្យ ពីអភិបាលខេត្តឧត្តរមានជ័យ មកកាន់តំណែងជាអភិបាល នៃគណៈអភិបាលខេត្តត្បូងឃ្មុំ ខណៈឯកឧត្តមបណ្ឌិត ជាម ច័ន្ទសោភ័ណ ត្រូវផ្ទេរភារកិច្ច ទៅជាអភិបាលខេត្តកំពង់ស្ពឺ ៕